آڙي بسنت (راڳڻي ):مشر ميل راڳڻي، جنهن ۾ پنجم ورج ٿيل آهي. امروهي ۾ پنچم سان رکب ممنوع آهي. رکب ڪومل باقي سڀ سُرَ شڌ آهن. هي اوڍو راڳڻي آهي.
هن راڳڻي جو خاص سرگم هي آهي: نِي سا گاما- گاما ڌاني- ساني ري- ساني ڌاما- گاما گاري – ساني ساما- گاما گاڌا. ني رِي سا
هن راڳڻي جي آروهي سانِي ري ساني ڌاما گارِي سا ۽ امروهي نِي سا گاما ڌاني سا آهي. هونئن ته هي راڳڻي هر وقت ڳائي سگهجي ٿي پر گهڻو ڪري هي راڳڻي شام جي وقت ڳائجي ٿي.